Egitarau egitekotsua izango da datorren larunbatean, hilaren 21ean, 11:00 eta 19:00 artean Donostia erdiko Okendo plazan Gipuzkoa Solidarioak sustatzen duen Elkartasunaren 6. Forumean; sare honek komunikazioan jartzen ditu Gipuzkoako elkarteak eta egiten dituzten jardueren zabalkundea areagotzen du.

Aukera paregabea da Gipuzkoako elkartasun-esperientziak ezagutu eta konektatzeko, eta gune egokia konplizitateak ehuntzeko eta ezberdintasunez gozatzeko, sarrera libreko jardunaldia izango baita egun osoan: kanpainak, metodologiak, aurkezpenak, tailerrak, prestakuntza, esperientziak trukatzea, eta gainera proposamen ludikoak guztientzat. Askotariko proiektuak (lankidetzakoak, ahalduntzekoak, gizartean parte-hartzekoak, funtzio-, kultura-, adin-... dibertsitate edo aniztasunekoak, eta abar. ikusi ahal izango dira, baita horietan parte hartu ere.

Gipuzkoa Solidarioa sarea bultzatzen duen Kutxa Fundazioarekin batera, askotariko elkarte solidarioek hartuko dute parte, eta era dibertigarri eta atseginean beren lana ikusgai bihurtu eta herritarrengana hurbiltzea bilatuko dute.

Gipuzkoa Solidarioa Jaialdia taupada indartsuak dituen ekitaldi bizia da, eta bertan informazio-dinamikak, ekitaldiak, erakustaldiak, haur-joko eta tailerrak... izango dira egun osoan zehar.

Programaturiko dinamika horietan parte hartuko duten elkarteak honako hauek dira:

Dandai emakumeen elkartea, Gipuzkoako Epilepsia Elkartea, Behar Bidasoa GKE, DYA Gipuzkoa, Kaleko Elkartasun eta Kultur Elkartea, Gipuzkoan Ikusmen Urria dutenen Elkartea, ACCU Gipuzkoa, Vicente Ferrer Fundazioa, Why Not Fundazioa, Chernobil Elkartea, Gurutze Gorria, Retinosis Gipuzkoa Begisare, Nagusilan, Lleno de Naranjas elkartea, Camelamos Adiquerar Elkartea, Diabetikoen Gipuzkoako Elkartea, Chernobilen Lagunak, ZAEI/EIPE Zahartzeko Ekintzailetza Integrala, Begiris, ATECE-Gipuzkoa, ATZEGI, Asha-Kiran Fundazioa, AFAGI, Hazi eta ikasi, Arnasa, Jatorkin, Kemen, Gene, Aptes, Goyeneche Fundazioa, Pertsona Gorren Elkartea, Asocide, Batukada Plus.

Egitaraua

• 11:00 Irekiera
• 11:00 Batukada Saioa
• 11:10 - 13:00 Elkarteentzako Selfimetro tailerra
• 11:10 - 13:00 Bisita gidatu inklusiboak
• 11:45 Osasun loreen tailerra
• 12:30 Txapen tailerra
• 13:00 “Baldarrentzako mainen” tailerra
• 14:00 Batukada Saioa
• 14:15-15:30 Gipsolkide Bazkaria
• 15:30 Henna tailerra
• 16:30 Elkarteetako emakumeentzako “Jaki-gozo” tailerra
• 17:30 Sentsazio tailerra
• 18:00 Baloretako Coaching
• 18:50 Talde Argazkia
• 18:55 Zozketak
• 19:00 Amaiera