Datorren ostiralean eta larunbatean EAE, Nafarroa, Errioxa eta Aragoiko Kirurgia Plastikoko Elkartearen (SVNRA) XLI. Batzarra izango da Onkologikoan, eta bertan 75 profesional inguru bilduko dira. Batzar honen ardatza bularra mikrokirurgiaz berregiteko teknika (DIEP) izango da, eta honen garatzaileak, Martyn Webster doktoreak (Canniesburn Hospital, Glasgow), topaketan hartuko du parte. Venkat Ramakrishnan doktoreak (Chelmsford Hospital, Londres), berriz, teknika horrekin zuzeneko kirurgia egingo dio Gipuzkoako gaixo bati.

Ostiral berean, arratsaldez, Onkologikoaren auditorioan komunikazioak entzungo dira tumore-berregiteaz, hitzaldiak bularraren berreregiteaz eta beste hitzaldi bat linfedemaren tratamendu kirurgikoaz.

Larunbateko komunikazio eta hitzaldietan kirurgia plastikoaren hainbat eremu landuko dira, eta amaitzeko anestesia tronkularrari buruzko hitzaldia bularreko eta sabeleko kirurgiarako.

EAE, Nafarroa, Errioxa eta Aragoiko kirurgia plastikoko Elkarteak urteko batzarra egingo du XLI. Bilera hau amaitu aurretik; aurten Donostia aukeratu du bere egoitza gisa 2016ko Europako kultura-hiriburutzarekin bat egiteko. Antolaketa-batzordea Manuel Santos, Javier Legorburu eta Óscar Villafañe kirurgilariek osatzen dute.