Kutxa Kultur Enea enpresa- eta kultura-komunitatea da; joan zen apiriletik gorabidean dauden proiektuak babesten ditu garatzen laguntzeko, eta lan egiteko leku fisikoa eskaintzeaz gain, laguntza ere ematen die komunikazioan eta ikusgai bihurtzeko prozesuan. Komunitate horretako parte da Hemen-Here taldea, ikus-entzunezko munduan lanean dabiltzan emakumeei laguntzen diena, eta crowdfunding plataforma batean dirua biltzeko kanpainan dago bete-betean, datozen egunetan Donostian filmatu nahi duten film bat ekoizteko helburuaz.