Kutxa Kultur Musikak beste urrats bat egingo du egoitza-programaren deialdiarekin; gure lurraldean gorabidean dauden musika taldeen hazkunde eta garapen profesionalari laguntzea du helburu. Kutxa Kultur Fabrikan leku bat eskainiko zaie beren lana garatzeko, baita jarduteko, promozionatzeko eta diskoak editatzeko baliabideak eta aholkularitza profesionala ere. Diskografia-kontraturik indarrean ez duten Gipuzkoako sortzaile guztientzat irekia, izena emateko epea ekainaren 3an amaituko da.