Moda-diseinu eta eskulangintza eremuetako hogeita lau sortzailek protagonizatu zuten “Gold” azoka, pasa den asteburuan Kutxa Plazan. “White” azokarekin lorturiko arrakastaren ondoren, honelako bigarren azoka izan da, eta Gipuzkoako artistek diseinatu eta ekoitzitako produktuak bertan erakusteko euskarri bilakatu da .Undermount-ekin lankidetzan, bitxigintza, moda, poltsa, altzari, puntu, estanpazio, osagarri, haur-moda, grafikagintza... eremuetako sortzaileek beren produktuak erakutsi eta jendeari saldu zizkioten.

Market Gold honetarako, Plaza urre-koloreko gune distiratsu bihurtu zen eta urre-kolorearekin balioa hartu zuten elementu organikoen (oihal, landare, lur) bidezko dekorazioa izan zuen.

Hauek ziren parte hartu zuten sortzaileak: Ainhoa Fustel, Aleix & Quim, Axalian, Blai, Elena Setien, Es la polla, Giovanna Bittante, Idoia Lizeaga, Kikis Alamo, La Charo, Mikel Aranburu, Ninaiz, Pepita Monroe, Studio Bastiaan, Zzka Mizka, Zocco Handmade, Ugara & Pot, GKo Arte estudio, None Super Heure, Mari Matraka, Saioa Matxain, Inge Zubeldia, eta Goiuri Unanue & Söia eta horiekin batera Kunsthal zentroa. Gainera, Dj’ak eta performanceak izan ziren azoka zuzenean alaitzeko.