Kutxa Kultur Moda programako sei diseinatzaile egoiliarrek beren modeloak desfilarazi zituzten moda-ibiltoki distiratsu batean, joan zen larunbatean modaz bete zutelarik Kutxa Kultur Plaza ehun eta berrogeita hamarren bat ikusleren aurrean; han egon ziren Administrazioaren, diseinu-eskolen, museoen eta saltegien ordezkariak, azken batean, arlo honetan eragina duten eremu guztietakoak. Saioa Matxain, Miguel Ángel Arone, Goiuri Unanue, Inge Zubeldia, Julen Linde eta Elena Silvestre-ren proposamenak oso goretsiak izan ziren publikoaren aldetik.

Moda-sortzaile hauek urtebetez Tabakalerako instalazioetan beren lekua dute, beste diseinatzaile batzuekin partekatua, bizikidetza eta lankidetzaren aldeko apustua eginez sorkuntza-iturri gisa; joan zen udazkenean hautatu zituen horretarakoxe eraturiko epaimahaiak.

Argazkiak: Niko Iturralde

Argazki gehiago: facebook Kutxa Kultur

Programa

Kutxa Kultur Moda Kutxa Fundazioa azken zazpi urteotan sustatzen ari den proposamena da, moda-sorkuntza eta diseinuaren munduari gure lurraldean laguntzeko, sorkuntza-eremu honetan esku hartzen duten eragileen artean sareak ehuntzeko helburuaz, eta honela azkenaldian neurri batean hautsitako balio-katea berrezartzen laguntzeko. Ikastaroak eta hitzaldiak eskaintzen ditu eta, batez ere, Gipuzkoako diseinatzaileen talentua zabaltzen lagunduko duten ekintzak sustatzen saiatzen da.