Datorren maiatzaren 20an, larunbatean, Olatu Talkan antolaturiko jardueren barruan, 10:30etik 13:30era Gipuzkoa Solidarioak zenbait jarduera inklusibo programatu ditu Donostiako Boulevardean Bihotz-izpien Txokoa izenpean. Jolasak, tailer edo lantegiak, eta Batucada ere bai. Bestalde, Kutxa Ekoguneak “Egunkari-paperez egindako saskiak” ikastaroa ere emango du 11:00etatik 14:00etara Donostiako Konstituzio plazan. Jarduera hauek guztiak doakoak izango dira.
Olatu Talka kultur jaialdia Donostia 2016 Europako Kultur Hiriburutza proiektua bultzatzeko jaio zen 2010ean; behin Kultur Hiriburutza bukatuta, Olatu Talkak bere ibilbidea jarraitzen du, orain arteko helburu berei loturik eta hiria egin leloari jarraituz.
Jaialdiaren helburu nagusia hiritarren parte-hartzeari bultzada ematea eta hiritarrak kultur eragile aktibo bihurtzea da, eta horregatik jaialdiaren berezitasun nagusia da programazioa herritarrek berek egiten dutela eta era guztietako jarduera eta dinamikek dutela lekua.
Olatu Talka 2017 egitaraua
