San Isidro egunean Kutxa Ekogunean udaberriari ongietorria egiteko jaiaren arrakastaren ondoren, eguzkiak ere bat egin zuelarik festarekin, Kutxa Kultur-ek Tabakaleran dituen guneetan Bioeraikuntzaren I. Astea hasi zen Ekogunearen parte-hartze aktiboarekin, eta, eguneroko jarduerekin, larunbatera arte luzatuko da. Bioeraikuntza edo habitataren biologiak gizakiak bere ingurune eraikiarekin duen harremana aztertzen du, hor, etxebizitzan edo lantokian, pasatzen baitugu gure denbora gehiena.