Donostiartean, arte garaikide multidiziplinarraren nazioarteko azoka, Kutxaren laguntzaz gaur Kursaalen hasiko dena, kultura-zabalkundera eta elkartasunera irekitako gune bat da. Kutxa Solidarioak stand bat izango du, eta bertan bi elkartek beren proiektuak zabalduko dituzte: Esperanza Latina, Ekuadorreko lurrikarak kalteturikoei laguntzeko materiala eta dirua biltzen ari da; eta Haurralde, haurrek eta emakumeek Mediterraneoan bizi duten larrialdiaren ondorioak arintzeko ari da lanean.