Arotz-Enea | Udalekuak
Beste uda batzuetan bezala, Arotz-Eneako instalazioak jartzen ditugu familien eskura. Naturaren erdian daude kokatuta biak ala biak, umeek kirol- eta kultura-jarduera ugariz goza dezaten. Arotz-Enean naturarekiko harremanetan oinarritutako jarduerak lagunarte ederrean egin ahal izango dituzte adibidez. Ez galdu gurekin uda gozatzeko aukera!
IZEN-EMATEAK
Martxoaren 6tik apirilaren 6ra.
Maiatzak 23an, bajen ondorioz libre gera daitezkeen plazak eskaintzeko, 2. izen-ematea irekiko da.
Lekua baieztatzea
- Lekuak zozketa bidez esleituko dira, eta familiei izena emateko orrian adierazitako helbide elektronikoan eta telefonoan (SMS bidez) emango zaie horren berri, maiatzaren 2tik aurrera. Data horretatik aurrera astebeteko epea baja emateko edo aldaketa egiteko.
- Maiatzaren 23tik aurrera libre geratuko diren tokiak eskaintzeko izen-emateko epe berria irekiko da, txandak bete arte; bigarren epe honetan izen-ematearen hurrenkeraren arabera baieztatuko dira lekuak, kasu horretan ere mezu elektroniko eta SMS mezuen bidez.
- Lekua esleitu ondoren egingo da zordunketa, izena emateko orduan adierazitako kontuan (EZ izena eman duen pertsonaren GAZTEDI KONTUAN).. Ekainaren 1etik aurrera, baja emanez gero, %90 soilik itzuliko dugu (salbuespena: gaixotasunagatik edo beste arrazoi garrantzitsu batengatik).
ADINA
8-12 urte (2005-2009 urte bitartean jaioak)
TXANDAK
6 eguneko txandak. Euskaraz egiten diren egonaldietan ezinbestekoa da hizkuntza menperatzea.
1. txanda. Ekainaren 26tik uztailaren 1era (euskaraz). BETETA
2. txanda. Uztailaren 3tik 8ra (euskaraz). BETETA
3. txanda. Uztailaren 10etik 15era (euskaraz). BETETA
4. txanda. Uztailaren 17tik 22ra (euskaraz). BETETA
5. txanda. Uztailaren 24tik 29ra (elebitan). BETETA
6. txanda. Uztailaren 31etik abuztuaren 5era (elebitan). BETETA
7. txanda. Abuztuaren 7tik 12ra (triatloi hastapenak, euskaraz). Izen-ematea amaituta. Informazio gehiago.
8. txanda. Abuztuaren 21etik 26ra (triatloi hastapenak, euskaraz).Bertan behera utzita. Informazio gehiago.
PREZIOAK
GAZTEDI: 182 € // OROKORRA: 205 €
[Gaztedi prezioa: Kutxabanken Gaztedi Plan / Kontua dutenentzat]
Egitaraua
Arotz-Enea Larraungo haranean dago (Nafarroan), eta aisialdirako aukera ugari eskaintzen ditu, hala kokapen eta inguruneagatik nola lan-taldearengatik. Horri guztiari esker, paregabeko tokia da naturaz gozatu eta haren sekretuak bertatik bertara ezagutzeko. Lagun berriak egiteaz gain, ingurumenaz gozatzen eta errespetatzen ikasiko dute...
Horretarako, hamaika jarduera egingo dira Arotz-Enea eta inguruetan. Lagunartean gozatzeko programa bete-betea: txangoak bizikletan Plazaolako bide berdetik, txangoak basora, mendi-ibilaldiak, tailerrak, gynkana, birziklolinpiadak, antzinako jolasak, igerilekua, gaubelak, amaierako jaia…
Oharrak
→Garraioa autobusean: irteerak eta itzulerak Donostiatik. Beste leku batzuetatik irteteko aukera (gutxienez 35 laguneko taldea).
→% 70eko hobaridun 18 leku eskainiko dira. Leku horiek eskuratu nahi dituztenek izen-emate orrian adierazi behar dute. Kontsultatu HEMEN bete beharreko baldintzak eta aurkeztu beharreko dokumentazioa.
→Familia ugariei Gaztedi prezioa aplikatuko zaie (Gaztedi kontua ez badute, familia ugariaren titulua bidali behar dute e-postaz, izen ematearen bukatu baino lehen, umearen izena eta parte hartzen duen jardueraren izena aipatuz).
→Informazio gehiago: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko..
→Kutxaren Gizarte Ekintzak jardueraren ezaugarriak aldatzeko edota jarduerak bertan behera uzteko eskubidea izango du, gutxieneko parte-hartzaileen kopurua ez bada betetzen.
UDALEKUETAKO BLOGA
Udalekuak dirauen bitartean blog bat prestatuko dugu, eta bertan zuen seme-alaben eguneroko jarduna ezagutu ahal izango duzue. Gogoan izan, zuen seme-alabak blogaren argazkietan agertu ahal izateko, izena emateko orrian horretarako dagoen laukitxoa aktibatu behar duzuela
Ternua motxila baten zozketa. Arotz-Eneako udalekuetan izena ematen duten guztiek Ternua motxila baten zozketan har dezakete parte. Informa zaitez HEMEN eta har ezazu parte!
